မွေးမြူရမယ့် စိတ်ကောင်းစိတ်မြတ်

ဘယ်ပြိုင်ပွဲမဆို ပြိုင်ဘက်ကို အထင်​သေးခြင်း၊ ကြီးခြင်းက ရှုံးနိမ့်ဖို့ကို ဖြစ်​စေနိုင်ပါတယ်။

အထင်​သေး​တော့ ​ပေါ့မိမယ်။ ကိုယ့်အားနည်းချက် ကိုယ်မမြင်​တော့ဘူး။

အထင်ကြီး​​တော့လည်း စိုးရိမ်စိတ် ဝင်မယ်။ မပြိုင်ခင်က ရှုံးနှင့်မယ်။

စစ်တပ်နဲ့ ပတ်သက်ရင်​တော့ အထင်ကြီးဖို့ထက်စာရင် အထင်​သေးစိတ် ဝင်တာက ပိုများပါတယ်။ ခြင်းကျားတပ် ဘာညာ စသဖြင့်​​ပေါ့။ သို့​သော် လက်နက်အင်အားလို သူတို့ အားသာ​တဲ့​နေရာတွေလည်း ရှိပါတယ်။ ဒါကိုလည်း အရှိအတိုင်း လက်ခံထားဖို့ လိုတယ်။

​ပြောချင်တာက သတင်းစီးဆင်းမှု၊ မျှ​ဝေမှုပါ။ ကိုယ်ရယူတဲ့ သတင်း​တွေက​နေတစ်ဆင့် ထင်မြင်မှု ဆိုတာ ဖြစ်လာတာကိုး။

ရှုံးနိမ့်တဲ့သတင်းချည်း ကြား​နေရရင်လည်း စိတ်အား​လျော့လာမယ်။ နိုင်တဲ့သတင်းချည်းပဲ ကြား​နေရရင်လည်း ဘယ်​နေရာ ဘာလိုတယ်၊ ဘာကူ​ပေးရမယ် စသဖြင့် မသိနိုင်​တော့ဘူး။ ဖြစ်နိုင်သမျှ​​တော့ ​မြေပြင်အ​နေအထား​​တွေ သိ​အောင် လုပ်နိုင်ရင် အ​ကောင်းဆုံးပဲ။

ဒီအတွက် အကြံ​ပေးချင်တာက​တော့ 

◾ပို့တစ်ခုခုကို မရှယ်ခင် ယုံကြည်ရရဲ့လား၊ ​သေချာရဲ့လား ဆိုတာ အရင်ဆန်းစစ်ပါ။ အထူးသဖြင့် လူကြီးပိုင်း​တွေပါ။ ကျ​နော်တို့ ရယ်​နေ ဟား​နေကြတဲ့ ဖိုတို​ရှော့ ​ပုံ​တွေက သူတို့အတွက်​တော့ အတည်​တွေ ဖြစ်​နေတာပါ။ ဒါ​ကြောင့် လူကြီး​တွေကို တတ်နိုင်သ​​လောက် ရှင်းပြ​၊ ​ပြောပြပါ။

◾စိတ်ချရတဲ့ ​ပေ့ချ်​တွေက တင်တာကိုပဲ အဓိကထား ​စောင့်ဖတ်ပါ။

◾သတင်း​ကောင်းချည်းပဲ အမြဲကြား​နေရမယ် ​မျှော်လင့်မထားပါနဲ့။ ​မြေပြင်က အခက်အခဲ​တွေ ကြားရရင်လည်း စိတ်ဓါတ်ကျမသွား​​အောင် ​ကြိုးစားပါ။ လိုတာ ကူမယ် ဆိုတဲ့ ရှု​ထောင့်က​နေပဲ ​တွေးပါ။

◾အင်တာနက် ပြတ်သွားတာမျိုးများ ဖြစ်လာခဲ့ရင် သတင်း​တွေ ဘယ်လိုမျှ​ဝေရယူကြမယ် ဆိုတာလည်း ပြင်ထားတာ မမှားပါဘူး။ (ဥပမာ ​ရေဒီယို၊ ဖုန်း​ဘေလ်​တွေ ဖြည့်ထားဖို့)

သတင်းမှား​ တမင်တင်တဲ့သူ​တွေ၊ ထစ်ခနဲဆို ​ကောက်​ကောက်တင်​လေ့ရှိတဲ့သူ​တွေကို​တော့ ထည့်မ​ပြော​တော့ပါဘူး။ သတင်းစားသုံးသူ​တွေသာ ဒီအချက်​လေး​တွေ ဂရုစိုက်​ပေးကြပါ။

ဒီအ​ရေး​ပေါ်ကာလမှာ ​ဖြစ်ပျက်​နေသမျှကို အရှိတရားနဲ့ နီးနိုင်သမျှ နီး​အောင် မြင်နိုင်ရင်၊ ကိုယ့်စိတ်ကိုလည်း အလယ်အလတ်နား​လောက်မှာ ထားနိုင်ရင်၊ ရန်သူကို​ရော ကိုယ့်ကိုယ်ကိုယ်ပါ အထင်​သေးခြင်း၊ ကြီးခြင်း အစွန်း​​တွေ ​ရှောင်နိုင်ရင် အ​ကောင်းဆုံးပါပဲ။

မူရင်း - 

https://www.facebook.com/100000000679211/posts/4823417321001576/